Pantun Banjar di rumah

Pantun banjar saat berada di rumah.

Amuntai sabalah halabiu akur
Paliwara jambatan pina pingkur
Hampai dirumah parlu diatur
Supaya jangan pina dawur

Palaihari tanah gunung makmur
Gula manisan aduk dihancur
Hampai dirumah hancap bajuhur
Baguna gasan hidup dikubur

Buah sukun nang kaya kulur
Kutabaru banyak iwak tangkur
Muharigat kana dabu mjutur
Ayu dibasuh ganang bapupur

Gubarnur di Banjarmasin bakantur
Pasar tarapung gasan bahibur
Habis bajuhur makan kadapur
Agar sihatpang harus basayur

Bagian rantau bangaran bungur
Ada kacang sayuran balunjur
Amun dirumah jangan malangur
Mama diganii gawian didapur

Pamangkih bagian barbai bujur
Makan apam tanang salajur
Dirumah jangan pina kakaluyur
Baikan dibawa guring mandangkur

Subalah tanta ada basumur
Tanjung partamina inya mambur
Dirumah supaya pina akur
Jangan ribut kaya takukur

Sarambi makah galaran jujur
Martapura baintan kata luluhur
Dirumah bakawan jangan malantur
Supaya kuitan rasa tahibur

Bagian kandangan ada batang kulur
Hati-hati lawan buah nyiur
Palajaran jangan hanya bahambur
Palajari sabalum pina talanjur

Maranahan ada jukung sudur
Lajunya kada kaya pilur
Manuntun talivisi ayupang diukur
Waktu balajar cuba disusur

Banjarbaru ada lapangan samsudinnor
Bunyi kapal tarabang manggalugur
Waktu guring malam jangan bakandur
Lakasi haja jangan takasawur