Pantun Banjar Sakulahan

Berikut ini adalah kumpulan pantun bahasa banjar dengan tema sekolah.

Maulah lubang pastilah baluang
Kadada tupai bila dihadang
Kasakulah jangan talambat datang
Supaya hati tarasa sanang

Linggis sabilah pukulakan kakijang
Patahi batis sampai dipinggang
Tugas sakulah jangan dipandang
Barisi lantai atawa lulungkang

Lampu pijar takana haling
Guguran sambilan lima tarabang
Waktu balajar saumpama dating
Parhatiakan jangan pina balinggang

Sabalas dibalah ulih baruang
Saikung diracik dimakan pulang
Dikalas, disakulah ada pamatang
Mambuang ratik jangan sambarangan

Satu gagalapar dalapan burung
Lima pilai tajarat bahalang
Waktu balajar jangan dibuang
Kaina raport cagar takabalakang

Kasisikat kalajuan pahin tarabang
Takana dahan manjadi timpang
Nasihat guru jangan ditantang
Kalupina palajaran takabalakang

Bisanya kanguru kada tarabang
Tinggi malumpat kaya malayang
Jasa guru kada alang-alang
Malajari sampai bauling-ulang

Lucu bapadah ingunan hilang
Kuda haja pina mahanggang
Guru bapapadah lainan panghalang
Gasan kaina masa mandating

Duyu sabalah kaina dibuang
Buhaya ada talihat mahadang
Guru bapapadah karana sayang
Supaya kaina mandapat sanang

Maintain naik supaya gampang
Ada satu tadahulu musang
Parangai baik pahala dating
Jasa guru parlu diganang