Posts

Showing posts from December, 2014

Pantun Banjar Parjuangan

Image
Pantun Bahasa banjar tentang perjuangan para pahlawan Mangukus wadai dipanci kalawasan Maharap mamakan talu butingan 17 agustus hari kamardikaan Satiap tahun salalu dirayaakan Padangan bamasak tiris kahujanan Pakacanagan rawat dibawa salamatan Parayaan kamardikaan harus dilaksanaakan Gasan maingat paristiwa bakasan Kuatan sudah diambil pakayian Lamang hibak kada babarian Kamardikaan adalah hasil parjuangan Nang banyak mambawa pangurbanana Rancak bandanan kana kulacingan Dibawa kakuta tumatan pahumaan Banyak pangurbanan kada kaitungan Nyawa, harta, airmata jabatan Pinang dibagi kacipang kawan Rasa rasanya nyaman dimakan Pajuang mati bangaran pahlawan Jasa jasanya jangan dilupaakan

Pantun Banjar Bagawian

Image
Pantun bahasa banajr tentang kerja. Pangubatan cuba akan tatumbuhan Baasal umpama di sakulilingan Kaahlian ada jangan pangangguran Misal malunta cagar duitan Darah tinggi bisa diturunakan Bilungka atanapi balimbing dimakan Kahliaan baisi cuba gunaakan Umpama mahatap tantu mauntungakan Pucuk kastila manjadi sayuran Malaria cagar tajungkal balarian Amun kada baisi katarampilan Cuba balajar tunggal tumatan Tanaman baguna gulinggang bangaran Gusuk bacangkal baisi papanawan Katarampilan kadada jangan baganaan Baik mancangkul bagawi dipahumaan Pucuk lumbuk gasan tampihaan Kapus diaduk cuba kasayakan Handak baduit bukan kangalihan Rajin bausaha ada kamauan Ada banyu bamban baisukan Titiki mata nyaman panglihatan Kada baduit jangan dibiasaakan Mananai maminta lawan kuitan Tamu lawak gasan nginginuman Jamu baguna gasan kasihatan Bawalanja bamamakan mamuasakan Amun duitnya pancarian saurangan Ngini dasar kancing manisan Singut kucing bajarang minumiakan Bagawi kasar jangan basupanan Pantin

Pantun Banjar Listrik

Image
Pantun bahasa banjar tentang ke listrikan Kambing dilirik gaeian urang Akur haraga tukarang larang Pasang listrik biar tarang Diatur babaik jangan dibuang Mambari itik jangan sambarang Jangan dipaksa supaya tanang Tali listirik jangan dipagang Sambarang haja bahaya mahadang Tarik hadangan digantal pulang Dibalah parang supaya gampang Listirik jangan asal pasang Salah pasang bahaya datang Bainguan itik sagala binatang Tarusakan, kauntungan akan datang Mancuntan listrik pabuatan dilarang Akan dihukum jangan manantang Badak hirang diukur panjang Gasan diarak pangantin datang Handak guring diatur pulang Jangan nyarak tarangnya sadang Dipirik sapi inguan urang Supaya sanang baurus pulang Listrik mati bukan diundang Sagara datang patugas lapang

Pantun banjar menabung

Image
Pantun banjar tentang kegiatan menabung. Madihin ada banyak babait Uraian baris ada takait Amun inya banyak baduit Jangan burus cuba diimit Tari bagandut pina baiirit Ngini kasanian supaya diawit Dibarii duit umpama sadikit Hati hati jangan taburirit Dibuat wayang adalah dari kulit Paring diracik gasan panggapit Maandak duit dibawah lampit Sayang carik pinggiran rabit Raja mamanda tampil digapit Dayang bajingkit tari marakit Bawalanja cuba sambil diarit Ditabung sadikit tapi marikit Kasanian balamut pina sadikit Hari kahari samakin tasisit Manyimpan duit supaya awit BRI, BNI tajamin pisit Wayahini panupingan mulai karihit Digasak urang balain kulit BRI, BNI manyimpan pisit Babanyak pulang tunggal sadikit

Pantun Banjar Lalu Lintas

Image
Pantun bahasa banjar tentang taat dan patuh pada peraturan lalu lintas Susumpan karaban malah dibari Jualan sudah payu dihabisi Amun bajalan subalah kiri Dikanan tasalah parlu dipadahi Dimija babungkus undi-undi Dikirim ka singapur gasan nini Basapida harus hati-hati Rim satupur rusak dibaiki Kalalapun ada dibagi-bagi Minuman dicangkir dipipiringan sati Bamainan cuba bahati hati Jangan dipinggir jalan nang rami Gagatas bagula diparupui Makanan basalai ngarannya rimpi Lalu lintas parlu ditaati Jangan lalai bisa mamitii Cucur makanan bakal ditukari Limping bagian badahulu dihabisi Bamutur jangan asal naiki Panumpang, angkutan parlu dilihati Kaganangan makanan wadai papari Buku dilapas ditangan kayi Bakalayangan jangan asal sasahi Lalu lintas dijalan harus diitihi Bahamparan makanan babaki baki Katalu macam bingka dirasai Bakandaraan jangan barami rami Kalu tasumbalit bisa malukai Lakatan mangukus didalam panci Banyu jarangan gasan mandi Paraturan lalulintas baik ditaati Nangitu nga

Pantun Banjar Palastarian Hutan

Image
Pantun bahasa banajr tentang menjaga hutan. Kutak barang padagang pakaian Jajal lawan pakaian jualan Tidak balarang batabang dihutan Asal sasuai lawan paraturan Lakatan ada dipasan kakawanan Mambari sadakah gasan basalamatan Hutan kada gasan saurangan Dipakai diulah gasan sanagaraan Kambang halaman tibang kakanan Malah habang parak barumahan Manabang hutan jangan sambarangan Salah tabang marusak lingkungan Gunanya rutan akan karajinan Buat nangapa sasuai kainginan Adanya hutan gasan parlindungan Makanya harus dipalihara dilastarikan Dipintal banang gasan pakaian Panjang labihi anam mitiran Gunung gundul jangan dilihatakan Cubapang ditanami tanam tanaman

Pantun Banjar Kabarsihan

Image
Pantun bahasa banjar tentang kebersihan Racik daun dihari tarang Ada sadikit nang bakurang Ratik jangan asal dibuang Saupaya panyakit jangan datang Rak sinduk jangan dibuang Sampai rusakan talimpat pulang Ratik banyak bukan kapalang Sungai jangan tampat mambuang Pukulan tukul kana parang Apik pukulan dimalam tarang Bahamburan butul kada dipajang Baik ditimbun didalam lubang Tarumpah gasan hanya sapandang Santuk dilawang jadi timpang Tung sampah kada dipandang Untuk manampung nang dibuang Balanja makanan dipasar siang Ada ganganan didaun pisang Manjaga kabarsihan dasar haruspang Supaya nyaman bagus pulang Bubungan rumah tihang panjang Jarang dibuang kayu sabatang Lingkungan barsih hati sanang Pujian dating satiap urang Kurungan dibasuh anak baruang Anak buaya jinak baranang Lingkungan barsih banyak pandatang Nyaman dirasa inak dipandang Kubukan masih batanda silang Dihari siang tandanya hilang Lingkungan barasih nyaman tupang Hati nyaman bapahala pulang Sirih adanya balilit dibata

Pantun Banjar Kuitan

Image
Pantun dalam bahasa banjar yang menerangkan tentang adab saat menghadapi kedua orangtua. Kaladi badaun lapah samuanya Ampat lainnya bahulat haja Maasi papadahan abah uma Salamat didunia akhirat jua Tumat sayuran habang bawrna Ada panggalah malah baguna Hurmat lawan nang tatuha Kada tasalah malah bapahala Anyaman bamban basilang dua Pina haratan tuntungnya kada Malawan ucapan urang tuha Bias katulahan mambawa sangsara Dibalah tiga lacinya mija Ditukar pahaji andak dirumahnya Abah uma kuncinya surga Didangar ditaati satiap nasihatnya Tukarakan cincin tasarah kaka Tulus hati sangkal dipaksa Kasihan sidin abah uma Halus sampai ganal mamalihara

Pantun Banjar Agama

Image
Pantun bahasa banjar tentang agama Kumpulan kaluarga RT bangaran RW adalah diatas tingkatan Parintah agama kada mamainan Masalah kabaikan harus diparhatiakan Lurah, desa dibawah kacamatan Bangaran camat pimpinan dikacamatan Parintah agama adalah palajaran Gasan babuat dijalan kabaikan Kabupatin, kutamadya kumpulan kacamatan Bupati, walikuta sabagai pimpinan Parintah agama kada gasan saurangan Tapi untuk manusia saalamanan Prupinsi kumpulan dari kabupatinan Pak gubernur manjabat pangaturan Parintah tuhan harus dilaksanakan Baguna gasan di akhirat kamudian Nagara dinama prupinsi takumpulan Prisidin sabagai kapala pamarintahan Kapada siapa mamuhun parlindungan Tuhan mambari siapa baiman

Pantun Banjar Pramuka

Image
Pantun bahasa banjar tentang pramuka. Bukantan dasar maulah tatawa Hidung panjang malah pambalainnya Kagiatan luar sakulah lainnya Ngitu bangaran adalah pramuka Ada satwa bapandir bias Burung tiung itulah ngarannya Pramuka adalah milik barsama Singkatan praja muda karana Suaka marga satwa itu maksudnya Lindungan hiwan supaya tatap ada Pramuka kada bararamian haja Tujuannya mambina anak muda Inya lamak adalah gurilla Urang hutan di Kalimantan adanya Adanya pramuka sangatlah barguna Katarampilan kaahlian akan dibina Malumpat warik dicabang tiga Kamana inya badua haja Umpatlah kagiatan bangaran pramuka Supaya tabina jiwa raga

Pantun Banjar di rumah

Image
Pantun banjar saat berada di rumah. Amuntai sabalah halabiu akur Paliwara jambatan pina pingkur Hampai dirumah parlu diatur Supaya jangan pina dawur Palaihari tanah gunung makmur Gula manisan aduk dihancur Hampai dirumah hancap bajuhur Baguna gasan hidup dikubur Buah sukun nang kaya kulur Kutabaru banyak iwak tangkur Muharigat kana dabu mjutur Ayu dibasuh ganang bapupur Gubarnur di Banjarmasin bakantur Pasar tarapung gasan bahibur Habis bajuhur makan kadapur Agar sihatpang harus basayur Bagian rantau bangaran bungur Ada kacang sayuran balunjur Amun dirumah jangan malangur Mama diganii gawian didapur Pamangkih bagian barbai bujur Makan apam tanang salajur Dirumah jangan pina kakaluyur Baikan dibawa guring mandangkur Subalah tanta ada basumur Tanjung partamina inya mambur Dirumah supaya pina akur Jangan ribut kaya takukur Sarambi makah galaran jujur Martapura baintan kata luluhur Dirumah bakawan jangan malantur Supaya kuitan rasa tahibur Bagian kandangan ada batang kulur Hati-hati

Pantun Banjar Bulik Sakulah

Image
Pantun pulang sekolah dalam bahasa banjar. Lanjung nini tukaran abah Nag itu hambinan kuat ditangah Luncing babunyi bulikan sudah Buku disimpan buat diwadah Tangkitan buruk lapuk sabalah Dimapa ikatan panjang tasalang Jangan bakunyuk bulik sakulah Supaya kuitan jangan galisah Banyakrumah badaun nipah Satu diulah tantu dirubah Bulika sakulah jangan bukah Kalu lapah atawa tarabah Kukulak dirumah miring sabalah Paraya diungkap simpani diwadah Bulik sakulah jangan basinggah Supaya sikap sampai dirumah Eadian diulah kulihan malukah Nang ini lukan datu subalah Amun sudah dampai dirumah Simpani buku dan baju sakulah

Pantun Banjar Istirahat sekulah

Image
Pantun Istirahat sakulahan Layu capat dasar sayuran Buang diluuk laus disisihakan Waktu istirahat cuba kaluaran Jangan baduduk dikalas saurangan Kancur dibayar harga tukaran Pasan mamanya cagar tanaman Istirahat balajar kaluaran sabarataan Gasan bawalanja atawa bamainan Bantu mambuat samunyaan tapikat Jualan nini pasaran sanayan Waktu istirahat gasan bamainan Gunkan tapi jangan katarlaluan Amun malihat pangantin bapakaian Janar mawarnai kuku kuningan Pahin istirahat gasan balanjaan Manukar wadai atawa nginginuman Sarai dibalukar di pahalatan Parang dan lanjung disandarakan Wadai nang ditukar diparhatiakan Nang batutup paling diutamakan Satu ditanam bangaran rarampahan Bsauka basanag bila diparlukan Banyu nginum jangan kalumpanan Kada bajarang bias panyakitan

Pantun Banjar Sakulahan

Image
Berikut ini adalah kumpulan pantun bahasa banjar dengan tema sekolah. Maulah lubang pastilah baluang Kadada tupai bila dihadang Kasakulah jangan talambat datang Supaya hati tarasa sanang Linggis sabilah pukulakan kakijang Patahi batis sampai dipinggang Tugas sakulah jangan dipandang Barisi lantai atawa lulungkang Lampu pijar takana haling Guguran sambilan lima tarabang Waktu balajar saumpama dating Parhatiakan jangan pina balinggang Sabalas dibalah ulih baruang Saikung diracik dimakan pulang Dikalas, disakulah ada pamatang Mambuang ratik jangan sambarangan Satu gagalapar dalapan burung Lima pilai tajarat bahalang Waktu balajar jangan dibuang Kaina raport cagar takabalakang Kasisikat kalajuan pahin tarabang Takana dahan manjadi timpang Nasihat guru jangan ditantang Kalupina palajaran takabalakang Bisanya kanguru kada tarabang Tinggi malumpat kaya malayang Jasa guru kada alang-alang Malajari sampai bauling-ulang Lucu bapadah ingunan hilang Kuda haja pina mahanggang Guru bapapadah l