Pantun banjar menabung

Pantun banjar tentang kegiatan menabung.


Madihin ada banyak babait
Uraian baris ada takait
Amun inya banyak baduit
Jangan burus cuba diimit

Tari bagandut pina baiirit
Ngini kasanian supaya diawit
Dibarii duit umpama sadikit
Hati hati jangan taburirit

Dibuat wayang adalah dari kulit
Paring diracik gasan panggapit
Maandak duit dibawah lampit
Sayang carik pinggiran rabit

Raja mamanda tampil digapit
Dayang bajingkit tari marakit
Bawalanja cuba sambil diarit
Ditabung sadikit tapi marikit

Kasanian balamut pina sadikit
Hari kahari samakin tasisit
Manyimpan duit supaya awit
BRI, BNI tajamin pisit

Wayahini panupingan mulai karihit
Digasak urang balain kulit
BRI, BNI manyimpan pisit
Babanyak pulang tunggal sadikit

Comments

Popular posts from this blog

Download dota 2 MOD Tools

Download Kera Sakti Bahasa Indonesia episode 26

Pantun Banjar Kabarsihan