Pantun Banjar Lalu Lintas

Pantun bahasa banjar tentang taat dan patuh pada peraturan lalu lintas


Susumpan karaban malah dibari
Jualan sudah payu dihabisi
Amun bajalan subalah kiri
Dikanan tasalah parlu dipadahi

Dimija babungkus undi-undi
Dikirim ka singapur gasan nini
Basapida harus hati-hati
Rim satupur rusak dibaiki

Kalalapun ada dibagi-bagi
Minuman dicangkir dipipiringan sati
Bamainan cuba bahati hati
Jangan dipinggir jalan nang rami

Gagatas bagula diparupui
Makanan basalai ngarannya rimpi
Lalu lintas parlu ditaati
Jangan lalai bisa mamitii

Cucur makanan bakal ditukari
Limping bagian badahulu dihabisi
Bamutur jangan asal naiki
Panumpang, angkutan parlu dilihati

Kaganangan makanan wadai papari
Buku dilapas ditangan kayi
Bakalayangan jangan asal sasahi
Lalu lintas dijalan harus diitihi

Bahamparan makanan babaki baki
Katalu macam bingka dirasai
Bakandaraan jangan barami rami
Kalu tasumbalit bisa malukai

Lakatan mangukus didalam panci
Banyu jarangan gasan mandi
Paraturan lalulintas baik ditaati
Nangitu ngarannya parbuatan tarpuji

Mamakan pais rasa gumbili
Dimapa mamakan himpalan gigi
Paraturan lalu lintas panting sakali
Supaya kacalakaan jangan tarjadi

Comments

Popular posts from this blog

Download dota 2 MOD Tools

Download Kera Sakti Bahasa Indonesia episode 26

Pantun Banjar Kabarsihan