Searching...
12/04/2014 02:13:00 PM

Pantun Banjar Bagawian

Pantun bahasa banajr tentang kerja.


Pangubatan cuba akan tatumbuhan
Baasal umpama di sakulilingan
Kaahlian ada jangan pangangguran
Misal malunta cagar duitan

Darah tinggi bisa diturunakan
Bilungka atanapi balimbing dimakan
Kahliaan baisi cuba gunaakan
Umpama mahatap tantu mauntungakan

Pucuk kastila manjadi sayuran
Malaria cagar tajungkal balarian
Amun kada baisi katarampilan
Cuba balajar tunggal tumatan

Tanaman baguna gulinggang bangaran
Gusuk bacangkal baisi papanawan
Katarampilan kadada jangan baganaan
Baik mancangkul bagawi dipahumaan

Pucuk lumbuk gasan tampihaan
Kapus diaduk cuba kasayakan
Handak baduit bukan kangalihan
Rajin bausaha ada kamauan

Ada banyu bamban baisukan
Titiki mata nyaman panglihatan
Kada baduit jangan dibiasaakan
Mananai maminta lawan kuitan

Tamu lawak gasan nginginuman
Jamu baguna gasan kasihatan
Bawalanja bamamakan mamuasakan
Amun duitnya pancarian saurangan

Ngini dasar kancing manisan
Singut kucing bajarang minumiakan
Bagawi kasar jangan basupanan
Panting halal hasil karingatan

Sakit pinggang kada katurunan
Pasakbumi dirandam dinginumiakan
Maihat urang jangan taturutan
Apalagi amun kadada dipaksaakan

Sarai, laus salain sasayuran
Manfaat jua gasan jajamuan
Duit ada nyaman pahinakan
Hasil pancaharian paluh liliran

0 komentar:

Posting Komentar

Silahkan tinggalkan komentar!
Setiap masukan, cacian, umpatan akan sangat berharga bagi saya.

 
Back to top!